EJIE S.A., Eusko Jaurlaritzaren Informatika Elkartea

Lan Segurtasuneko eta Osasuneko Politika

EJIEk, Mediterraneo Etorbidean kokatzen den eta Eusko Jaurlaritzari zerbitzu informatikoak eskaintzen dizkion enpresak, OHSAS 18001:2007 Arauaren araberako ziurtagiria lortzea erabaki du eta horretarako, beste jarduera askoren artean segurtasun eta osasuneko politika hau definitu du. Hori jada ezarrita dago eta orain langileei jakinarazten zaie, ezagutu eta bere ezarpenean modu aktibo batean parte hartu dezaten. Horrela interesa duen edozein alderdiren eskura gelditzen da.

Lan Segurtasun eta Osasuna eta bere kudeaketa EJIE-ko ZUZENDARITZAREN ETA ARDURADUNEN erantzukizuna da. Horiek dituzten beste funtzioetan duten erantzukizun berarekin aplika beharko dute. Hori dela-eta, EJIEk lan arriskuen prebentzioa egingo du, prebentzio-jarduera integratzearen bidez.

Lesio eta gaixotasunen prebentzioa EJIEko antolaketaren maila guztiak eragiten dituen helburu oso garrantzitsu bat da. Lan baldintza seguru eta osasuntsuak sustatzea, bai enplegatuentzat eta baita gure lan zentroan beren jarduera garatzen duten beste enpresatako langileentzat ere, behar-beharrezkoa da. Hori dela-eta, EJIEk segurtasun-neurriak betetzeko eta mementu oro enplegatu eta kontratista guztiek betetzen dituztela egiaztatzeko konpromisoa hartzen du. Era berean, bere langileen eta osasunaren eta segurtasunaren ahalmena eta gaitasuna hobetzeko heziketan ekonomikoki laguntzera konprometitzen da.

Azken finean, gure konpromisoa hurrengoa da:

• Bere langileen segurtasun- eta osasun-maila altua lortzea, Lan Arriskuen Plan bat ezartzearen bidez eta gutxienez, indarrean dagoen legislazioarekin eta erakundeak ontzat hartzen dituen beste eskakizunak betetzearen bidez.
• Gure jardueretan dauden Lan Segurtasun eta Osasuneko arriskuak identifikatzea eta ebaluatzea, eta baita gure jardueren aldaketetatik sortzen direnak ere, eta horiek ezabatzen edo gutxienez kontrolatzen saiatzea.
• Langileen parte-hartzea sustatzea, kontsultako eta parte-hartzeko eskubidearen bidez.
• Langile guztiek heziketa eta informazio egokia jasotzen dutela eta egiten dituzten atazak aurrera eramateko gai direla bermatzea.
• Kudeaketa eta etengabeko hobekuntzako programak ezartzea eta mantentzea, eta baita baliabideak eskaintzea ere, giza baliabideak zein ekonomikoak, aipatutako programak martxan jartzeko eta lan segurtasun eta osasuneko maila altua lortzeko.

EJIEk politika hori egoki garatzen dela bermatzeko beharrezkoak diren ekintza-prozedurak eta -moduak ezartzen ditu, eta horiek segurtasuneko sistema batean islatzen dira. Hori dokumentatua dago eta EJEIko langile guztiek ezagutzen dute, eta aldi berean, ISO/IEC 27001:2005 arauan ezartzen diren eskakizun guztiak betetzen ditu.

A gripearen inguruko informazioa