EJIE S.A., Eusko Jaurlaritzaren Informatika Elkartea

Kalitatea Ziurtatzea

SQA Eredua

Software Sistemen Kalitatea Ziurtatzeko Eredua, edo SQA Eredua, erreferentziako marko bat da, garapen eta probetako bizi-ziklo osoan zehar produktuaren kalitatea ziurtatzearekin lotutako jarduera guztiak barne hartzen dituena. IEEE Kalitateko estandarretan oinarrituta dago, eta baita CMMI-ACQ ereduaren praktika onetan ere.

Kalitatea Ziurtatzearekin lotutako jardueren helburua bai erakundearen bai erabiltzaileen asebetetzea bermatzea da. Kalitatea modu proaktiboan onartu behar da softwarearen garapenaren bizi-ziklo osoan zehar, garapen-ekipoetako eraginkortasuna eta produktibitatea handitu dadin.

Nagusiki, software produktuaren kalitatea ziurtatzeko ereduak – SQA Ereduak- honako ezaugarriak ditu:

• Proiektura lotutako KBM (kalitatea bermatzeko maila
• Proiektuaren SQA Plana egite; horretarako, bizi-zikloan zehar egin beharreko kalitatea ziurtatzeko jarduerak definituko dira, proiektuarekin lotutako KBMren arabera
• Definitutako kalitatea ziurtatzeko jarduerak egiteko prozesua. Jarduerak ARINBIDE garapen-metodologiarekin lerrokatuko dira PROBAMET proben metodologia inplizituki beteko dute
• Kalitate estandarreko adierazleak eta horien baimendutako atalaseak.

SQA Ereduaren dokumentu nagusia ZIP formatuan

Kalitate adierazleen dokumentuak ZIP formatuan

Probamet Proben Metodologia

PROBAMET proben metodologiaren dokumentazioak; software produktu baten prozesuari dagokionez jarraitu beharreko eredua ezartzen du, aplikazioetako bizi-zikloa osatzen duten fase bakoitza xehetasunez aztertzen du, eta horietako bakoitzerako proben arloan, egin beharreko jarduerak eta hori osatzen duten sarrera- eta irteera-dokumentazioa deskribatzen ditu. Metodologia korporatibo hori erabat lerrokatzen da ARINBIDE garapen-metodologiarekin

PROBAMET-ek software produktuaren proba-jarduera guztiak deskribatzen ditu eta hurrengo faseetan banatzen da:

• Proben Planifikazioa eta Jarraipena (PPB)
  • Proben Planifikazioa (PPB1)
  • Proben Jarraipena (PPB2)
• Proben Analisia eta Diseinua (APB)
• Probak egitea (EPB)

PROBAMET-eko dokumentu nagusia ZIP formatuan