EJIE S.A., Eusko Jaurlaritzaren Informatika Elkartea

Ingurumenarekiko konpromisoa

EJIEren helburu nagusia da Euskal Administrazio Publiko moderno eta eraginkorra sortzen laguntzea.

Jaurlaritzak ezarritako lege-esparruaren barruan, Administrazioan informatika-zerbitzuak eskaintzeko tresna komun gisa jarduten du EJIEk. Hala, langile adituei esker eta eskaerara egokitutako baliabideak eta kostuak erabiliz, informazio-sistemen azpiegitura eraginkorra eta kalitatezkoa eraiki eta mantentzen du eta, horren bidez, sistemen jarraipena eta segurtasuna gauzatzen ditu.

Jabetzen gara gizartean eragile eta adibide gisa dugun erantzukizun sozialaz. Ondorioz, ingurumenarekiko honako konpromiso hauek geureganatu ditugu:

• Ingurumena babesten duen otsailaren 27ko 3/98 Lege Orokorrean ezarrita dauden ingurumenaren iraunkortasunarekiko eta ingurumenaz gozatzeko eskubidearekiko konpromisoa.
• Kutsadurari aurre egiteko konpromisoa, ingurumena gure erakundearen eguneroko kudeaketa-lanetan barneratuta eta, hala, egunetik egunera ingurumenarekiko gure jarrera hobetuta.
• Etengabeko hobekuntza lortzea, ingurumenari buruzko legeria betetzetik haraindi.

Edonolako giza jarduerek bezalaxe, gure erakundeak ere baduenez eragina ingurumenean, ingurumenarekin erlazionatutako gai nagusiak identifikatu eta ebaluatuko ditugu. Horrela, langileei gure jarduerarekin eta beren eginkizunekin lotutako kontuei buruzko prestakuntza eskainiko diegu, beren jokabideak ingurumenarekiko daukagun konpromisoa islatu behar duela jabetu daitezen.